我地既聖誕之旅終於有定案勒 !!! 呵呵 ~~~~~
由新加坡到海南島再到成都再由成都到西安, 由陽光燦爛到雪花飄飄, 由背心短褲發展到重裝備禦寒衣物, 眼見各機票開始加價, 我地開始心急, 到底去邊好 ? 去唔去得成呢? 夠唔夠時間去呢? 我地為左要慳$$, 所以決定由深圳上大陸, 但點解 …聖誕價錢遲遲都仲未出既呢? 唔通又學hk 咁要加價 ? 唔好咁啦 ~~~~~ 唔好加啦 ! 終於早兩日見到價錢出左, 西安, 張家界, 成都價錢都岩我地….. 咁又諗….去邊好呢? (女人真麻煩, 俾多dd你揀又心多多 … hehe) 就o係我地心多多既同時..... 發現點解又貴返既???? 攪錯呀 ! 我地諗多一陣 jer .... 諗下兵馬俑好, 半夜上金頂好, 定去鳳凰古城好 jar 嘛...唔係咁都唔得呀 ? 諗一陣就貴左 $660 喎 !!!! 唉 ...... 心都灰晒 當然以我(哋)既性格, 又點會咁輕易放棄丫, 你加價? 我唔理! 耐唔耐再上網 check 下價錢 .... 點知 ... 呵呵 ~ 平價又出現返勒 !!!! 好! 今次我地決定唔再諗, 你平返, 咁我地就決定扑鎚!!!! 再唔決定容乜易又貴返架 就係咁用左大約3天時間就決定左今次去 ----------- 西安 !!!!
成交價 $1827/位 23/12-26/12 4d3n ! Ctrip 效率真係快, 短短一小時左右就已經打電話來 cfm 晒所以機票酒店 ! 隨時拎得 ! 勁 !
多謝團友去拎機票, thank you very much !!!
好緊張第一次由深圳飛, 第一次上大陸網買package, 第一次同團友去咁遠嘅國內自由行, 好緊張 hehe ~~~~ 白色聖誕 ~~ 兵馬俑 ~~~ 西安美點 ~~~ 我地黎緊勒 !! 呵呵 ~~~
好囉 ~ 我地要開始安排行程 ! 第一個難題就出現左 … 我當日由邊度出發好呢? 早上要返工 .. 拎埋行李返工? 由屯門 à 鰂魚涌 à 深圳機場 … 諗到都覺得論盡. 我地搭 17:05 機, 又唔夠時間返去屋企拎. 一係唔返工. 唔 … 諗諗點解決先!
好勒, 睇下仲有咩景點去先 ! 嘩 ~~~ 華山個個都話好得喎! 我地一場黎到都應該到一到華山! 上網搵搵資料先 … 嘩嘩嘩 x 10000000000000000000000 條山路咁崎嶇既? 睇相都驚驚 …… 我地決定 … 唔去華山 ! 生命誠可貴呀 !
